/public/tvbcom/article/images/202604/79148de0-3f5f-4ba6-8361-aacbe8841194.jpeg)
今集《美食新聞報道》 先有居港日本人Nami，聯同主持何泳芍（Honey）去到中環，品嚐最正宗的日本漢堡扒。作為過江龍的漢堡扒專門店，味道固然正宗傳神，首先上菜的是「烤牛肉漢堡扒套餐」，漢堡扒肉質極之嫩滑，肉汁溢出，配搭淡淡油脂香，配搭白飯濃烈米香，味道一流！餐廳亦建議漢堡扒配搭蘿蔔蓉、柚子醋進食，口感更加豐富；最後配搭自助的生雞蛋，放在漢堡扒頂部，再點一點蛋白配豉油，口感更滑！之後就到小食「免治牛肉薯仔沙律」現身，作為日本的家常小菜，味道固然正宗，薯仔亦非常新鮮！
挽肉と米
地址：中環金融街8號國際金融中心商場4樓4011號舖
+11
節目去到第二節，則交由主持蔡景行及黃婧靈（波波）接捧，殺入尖沙咀覓食，一嚐茶餐廳平價小菜套餐，幾乎款款介乎$20至$25不等，每日供定不同菜式，而且還要白飯任裝！首先有「蕃茄炒蛋+白飯+靚湯」，蕃茄份量十足，放入口甜甜酸酸，非常滋味，就連靚湯都相當足料！之後到「麻婆豆腐+白飯+靚湯」現身，入口非常惹味，辣味十足，豆腐極大嚿，送飯一流；再到「馬來咖喱薯仔牛腩+白飯+靚湯」上菜，牛腩煮得軟熟，值得一試；「涼瓜排骨+白飯+靚湯」上菜了，涼瓜煮得回甘，絕對唔省功夫；最後「炒雜菜+白飯+靚湯」登場，同樣相當足料，有雲耳、蘿蔔、椰菜花與豆角，適合素食人士享用！
龍百味小廚
地址：尖沙咀金馬倫道16號地下B及C號舖
+12
