:quality(80)/public/tvbcom/article/images/202602/cffbe347-1585-4b29-b1c3-5a64b3157f3c.jpg)
今集《美食新聞報道》請來大中華區米芝蓮一星主廚莫燦霖，聯同靚女主持波波黃婧靈去到超人氣餐廳探店，食盡地道小菜！首先「椒麻芥末熗花甲」上菜，花甲真身極之大隻，食材用熱油快速爆香過，再配搭芥末上菜，難道入口辣味極有層次，又不會搶走花甲鮮味，味道一流；再到「烏魚子銀魚仔小炒王」現身，菜式放滿烏魚子，令味道添了一陣鹹香，再配搭蝦乾、海味、土魷和銀魚仔，令味道層次昇華；「陳皮欖角田雞煲仔飯加玫瑰五五臘腸」上菜，再配搭雲南紅河香蔥油提升田雞香味，令到肉質非常鮮嫩，臘腸既有瘦肉嚼勁，又有肥肉的滑口，味道濃郁，飯焦燒得極香，簡直無得頂；最後「韭菜黃鱔煲仔飯加鮮鵝肝潤腸」上菜，鵝肝潤腸非常香濃，黃鱔入口香甜，煲仔飯火爐控制得宜，飯焦都是粒粒分明，非常唔錯！
美麗小廚
地址：灣仔譚臣道105-111號豪富商業大廈1樓
+19
節目去到第二節，由兩位靚女主持黃嘉雯（Carmaney）與胡美貽（Nicole）陪大家出發到山頂搵食！餐廳主打特色中菜，首先「上海三色雜錦小籠包」上菜，有麻辣、素菜、原味三種選擇，小籠包皮薄多汁，麻辣味湯汁入口刺激，麻而不辣，就算素菜味餡料亦相當豐富，有齊蘑菇、草菇和雲耳，絕對必試；之後「招牌江南刈包拼盤」上菜，配菜有齊回鍋肉、雞絲青瓜與蔥爆牛肉，配搭刈包放入口，口感層次豐富，猶如中式漢堡包一樣盞鬼；「麻婆豆腐鯛魚片配蟹籽蝦乾蔥油拌麵」緊接現身，魚肉入口極脆又爽口，麻辣醬配搭豆腐非常開胃，拌麵醬汁油蟹籽、蔬菜及醬油製成，配搭極滑麵質，入口一流；最後「宮保蝦球」上菜，蝦球極之大隻，入口新鮮彈牙，醬汁配飯一流，又不蓋過蝦的鮮味，大家不妨一試！
蘇浙小品
地址：山頂山頂道128號凌霄閣1樓103號舖
+16
