/public/tvbcom/article/images/202603/eea5d16f-aec6-45ee-b978-055777a68e63.jpeg)
TVB網絡系列《電視城內》，請來2屆視帝陳豪擔任嘉賓，和大家細訴他的電視故事。有些人總是可以給你一種表裏不一的感覺，表面斯文溫柔，骨子裏鬼馬搞怪，因為這種反差萌，令人意想不到的落差，往往能締造出非一般的驚喜。作為演員，能有這種特質，也許是一份恩典，陳豪絕對是備受眷顧的一位。
延伸閱讀：歐瑞偉專訪｜慨嘆武師辛苦錢搵命搏 溺水1分鐘與死神擦肩 目擊同門跳樓失手致半身不遂｜電視城內
2000年，陳豪穿着西裝、頂着一頭金毛入電視城見曾勵珍，他知道是時候要轉跑道。他形容自己當時造型是古惑得來帶點斯文，反而珍姐見他說話斯文溫柔，外表和骨子裏反差極大，反而令人覺得「呢個人唔知點咁嘅？」那一年，他正式加入TVB，愰眼間已經26年。
陳豪第一部劇是《妙手仁心II》，起初試造型他是要演警察，但是第一日拍攝卻是「醫生袍加身」，他說：「第一日埋位，工作人員遞咗件醫生袍畀我，我話唔係呀？我係做警察，點知對方望一望戲服，就話畀我知依家轉演醫生。」在電影演開古惑仔，第一次拍電視劇竟然做醫生，陳豪笑言：「好彩Daddy係醫生，加上自己斯斯文文，依家睇番見到一個動作，唔知係咪扮型，總有一邊手會插住褲袋！」
第二部劇便是古裝劇《洛神》，對「番書仔」陳豪來說絕對是一大挑戰，他笑言：「古裝劇，弊傢伙，冇袋，手都唔知放邊好！對白好難唸，壓力大，戲份又重，對我嚟講係演戲生涯一個幾大嘅人生轉捩點。」陳豪自爆當時頻頻食NG，「要講一大堆對白，死喇，已經緊張頻頻NG，臨場仲要改我對白，繼續NG，每句對白NG 30至40次。」陳豪十分感謝同劇演員幫助，「有場戲馬仔（馬浚偉）要喊，但我不停NG，最後佢喊到眼腫冇眼淚，真係唔好意思！」回想過去，陳豪坦言：「新人就係咁，心情緊張又要適應好多對白，慢慢成長，雖然係第一部古裝，但亦係我最喜歡最開心嘅古裝劇。」
拍《洛神》陳豪遇到比他更貪玩的蔡少芬，通常是他倆沒有對白時就玩個不亦樂乎，打打鬧鬧卻意外被發掘出喜劇細胞，「我哋成日嘻嘻哈哈，兩個人好自然打成一片，結果激嬲小青姐，畀小青姐鬧：『你仲玩，你同我唸好啲對白啦！』，但小青姐鬧完之後，見到我有喜劇元素，所以第2部劇就要我做番自己，以後家豪哥（劉家豪）拍喜劇全部搵我。」
陳豪轉跑道入電視台，完全沒想過會紅，心態是當返學校重新學習，他說：「每一個人都係自己嘅老師，好多新嘢可以學，人工好奀，但好開心，因為實踐緊自己嘅夢想，冇錢但有青春有自由，做到自己想做嘅事。」
因為電視，陳豪得到太多太多，「我得到整個人生，幸運地第一部劇就遇到戚其義，佢教我一啲傳統觀念要如何實行，同一時間解釋點解要睇時間要睇表，佢分享咗很多方案畀我知，每一部戲唔同嘅監製教曉我不同嘅嘢，輪流拍戚其義同家豪哥的啲劇，係我戲劇人生主要學習嘅途徑。」
陳豪現在追求演一些簡單但有深度的角色，他甚至覺得觀眾看自己也是想睇一些有深度有層次而不普通的演繹。至於冷面笑匠這一環，陳豪覺得全靠劇本是否到位，「戚其義好早已經同我講，無論劇本、演員、攝影同音樂都要到位，觀眾先會感覺到。又或者我想拍深度嘅職業劇，同一句對白，年青人講同老人家完全係兩種感覺。演咩麼角色唔重要，我都花咗好長時間先明白戚其義以前講嘅種種，唔係多與少，而係質量。」
年輕時陳豪演某部戲會以某位荷里活明星的演法來參考，但年長後，就不會想做別人的影子，「藝術家都一樣，你一定要做番自己，藝術家係由自己角度出發，做一啲人哋未做過，但又可以代表到自己嘅創作。」陳豪自言有很多不同的一面，「動又得，靜又得，搞笑又得，因應唔同劇種去演，全部都係我嚟。年輕時我不太鍾意自己，細個出街搭地鐵，永遠都覺得尷尷尬尬，唔係做咗啲乜嘢，就係有種天生尷尬嘅感覺，又驚畀人望，唔知點咁。反而做戲唔使做自己感覺舒服啲，我唔鍾意呢種尷尬感覺。尤幸依家已經冇咗，我唔係有偶像包袱，只是後生冇自信唔敢望人。」
陳豪從不擔心被觀眾「睇厭」：「觀眾會厭是因為你冇嘢畀人睇，冇創意就要搵input，例如不斷睇書激發腦袋不斷運轉，演員要不斷改變，諗吓做啲咩係觀眾以前睇唔到嘅，令佢哋唔會厭。」至於講到坊間有傳3,000萬包薪的傳聞，鬼馬的陳豪笑言：「我唔會話你知！」
特別鳴謝：雞仔嘜
