/public/tvbcom/article/images/202512/d1d7ea39-0b8d-4a18-8694-eb9fdfc2cc3b.jpg)
中年好聲音第4集！本集《中年好聲音4》除了葉凱茵和阮兒淘汰成為觀眾關注的焦點之外，另一大亮點莫過於有型有款的「企鵝人」深情演繹古巨基的《Touch》，他憑藉穩定唱功與自如台風成功奪得全場唯一五燈，可喜可賀。肥媽聽了兩句即撳燈，並拍板大讚：「有料！一開聲我就話佢有料。」
延伸閱讀：
+2
周國豐更以罕見比喻形容他的聲線：「參加咗四季，未試過咁形容參賽者，我會用『拉筋』嚟形容，因為你條筋好鬆，即係聲帶，令到成件事好舒服，好似海浪咁一陣一陣。」不過他亦提出改進空間：「如果要挑剔，你嘅唱腔好似古巨基，搣甩呢樣嘢，歌曲選擇可以更加闊。」
張佳添則忍唔住搞笑：「其實你係咪古巨基呢？睇吓手有冇汗！」車婉婉即時配合，舉起「企鵝人」的手檢查：「冇，好乾爽！」，引全場大笑。他隨後又補充：「真係幾似古巨基，你唱《Touch》個touch都好似佢個touch。不過唔係壞事，的確唱得好好，睇到你嘅potential，有靚聲、有技巧、有感情、有細節。」
