中年好聲音4｜阮兒「舞」唔掂失手被淘汰 曾參加《中年2》海選 堅持跳唱歌手夢！曾演呢個角色最經典

張佳添在最後十秒才撳燈，指欣賞她的努力與舞台企圖心，但亦直言問題不少：「最開頭聽咗幾句，幾有節奏感，但到副歌，你啲『紅唇』、『烈焰』唱得唔夠好。呢個位係精髓，唔可以唱得太連，而且唔夠氣。」他更即場開金口示範，親自指導如何處理關鍵字眼。

周國豐則指出阮兒的強項未能完全展現：「雖然你擅長快歌，又識跳舞，但你必須要喺聲音度表現出嚟。呢啲節奏要令到我哋相信要睇埋你嘅舞蹈，咁樣先可以加到分。如果淨係聽聲，係處理得唔好。」而谷婭溦亦認為她「揀錯歌」，令整體表現未如預期。

最終，阮兒在淘汰環節中成為本集第二位淘汰者，但她並未氣餒，微笑著積極面對結果：「有一段時間我好想做到跳唱歌手，奈何都冇呢個機會，未有呢個緣分。但今日可以喺五位咁好嘅評判口中得到咁好嘅建議，我一定會記住，一定會進步，我會繼續努力。」車婉婉也再次展現柔情一面，攬住鼓勵她，大大聲對著鏡頭說：「佢將會喺我哋TVB嘅跳唱歌手——阮兒！」

在荷蘭出生及長大的阮兒因參加2006年香港小姐競選而留港開展演藝事業，期間曾離開TVB去追歌手夢，可惜最終未能成事，之後重返TVB繼續做一位演員及主持人。

一開始不會看中文的她為做好工作付出不少努力，如今已是家喻戶曉的綠葉演員。除了第一輯《愛‧回家》飾演羅天宇女友Pinky令人印象深刻，近幾年她也演過不少突出角色，包括《金宵大廈》的舞女兼同志「莎莎」，以及在《十八年後的終極告白2.0》中飾演情傾譚凱琪的女助手，而今年在《執法者們》出演啞女，同樣讓人十分驚喜。