/public/tvbcom/article/images/202512/310331b3-d7e9-4af7-b4dd-5849d4baaef4.jpg)
中年好聲音第4集！《中年好聲音4》今晚（14日）播出第4集「決戰TVB藝人賽區」，有「御用秘書王」之稱的葉凱茵以蒙面身份「熊貓寶寶」參賽，挑戰經典歌曲《為何他會離開你》，卻因過度緊張未能發揮水準，最終只獲得一燈，遺憾止步。
摘下面具後的葉凱茵心情明顯非常低落，坦言表現遠低於預期：「我真係好緊張，發揮唔到平時嘅水平。其實我都知自己嘅心理狀況係最需要調整嘅一件事，但我又真係冇諗過自己係一盞燈，會被淘汰，如果唔係，我會補咗個妝先。」
主持車婉婉同樣替她可惜，幫口說對方在台上明顯受壓：「我知道凱茵好鍾意唱歌，但（今日）一路唱一路喺度震。」
評審肥媽（Maria Cordero）亦直言與自己印象中的葉凱茵有好大落差：「我同佢都同台過，佢喺台度揮灑自如，唱歌又好，又有樣。平時我好快撳燈，好難相信呢個係你。」
延伸閱讀：
48歲的葉凱茵坦言，人生經歷過不少起跌，但唱歌一直是她的力量來源：「之前人生亦經歷過好多唔同嘅嘢，唱歌係唯一令到我有返啲信心嘅嘢。」
葉凱茵透露，今次參賽，背後最大推手是老公：「我其實有猶疑，諗過不如唔好嚟，安分守己，因為安分守己本來就係我自己嘅性格。但佢（老公）話：『點解唔去參加？我對你有信心。』佢係120%嘅信心，比我更多，我對自己係冇信心，識我嘅朋友就知。」
說到這裡，她也忍不住自責，淚灑現場：「我好對唔住我老公，佢俾咗好多 support 我。但我唔會放棄唱歌，我希望我可以企返起身，可以有機會唱歌俾大家聽。」
葉凱茵2002年參選港姐，入行逾廿年拍攝過逾150套劇集，包括長壽處境劇《愛·回家之開心速遞》。因多飾演秘書角色，而獲封TVB「御用秘書王」！近年轉型演活了多個母親角色而大獲好評，尤其是《金宵大廈》中她與趙希洛搶子戲份，讓觀眾留下深刻印象。
今年，葉凱茵又接連出演重頭劇《巨塔之后》、《金式森林》及《新聞女王2》，雖然戲份不多，但憑住精彩演技備受觀眾認可！家庭生活方面，葉凱茵一家三口幸福美滿，2020年,她安排兒子往新西蘭讀書，鼓舞仔仔追求足球夢的同時，自己亦再創業搞時裝網店，事業家庭兩得意。
