死有對証｜阮浩棕吳若希擦出愛火變情侶 親爆主動加咀戲預告劇情大逆轉：Jinny好爽快應承

劇中，單佩嘉（吳若希飾）曾慘遭前男友持刀報復，幸得詹柏宇（阮浩棕飾）挺身而出英雄救美，為她擋刀受傷，二人感情升溫。

今晚劇情講到，因骸骨案死者正是柏宇生父，上司欲找柏宇做獨家訪問，完全不顧柏宇的心情。眼見柏宇拒絕無果，嘉嘉立即出手解圍，答應上司另找一單更勁爆的新聞代替，令柏宇暖心在心頭。

而真正令二人關係大躍進的，是一場火警鐘誤鳴事故。所有同事撤離時，嘉嘉不慎拗柴受傷，柏宇二話不說背她下樓，隨後更細心幫她揉傷口，Man爆又體貼的舉動瞬間融化嘉嘉，忍不住問道：「你做咩突然間對我咁好」。柏宇亦直球出擊，捉住嘉嘉的手甜蜜告白：「我係想拖住你，唔諗住放手啦！」二人隨後甜蜜一吻確認關係。

阮浩棕接受tvb.com獨家訪問時親爆加咀戲：「我想觀眾感受多啲佢哋之間嘅愛，所以就問Jinny介唔介意我哋加個親密嘅場口，Jinny好爽快就應承。我好感激佢，因為拍呢套戲嘅時候大家未好認識我，佢都咁肯同我去合作，真係好感激佢！」。

他續說加吻戲除了想令觀眾更加信服柏宇與嘉嘉相愛外，更預告隨後劇情將有大變化：「因為後面有好大嘅變化，前面俾觀眾睇到有幾甜就幾甜」。