死有對証｜阮浩棕演串嘴自大記者大鬧吳若希擦火花 自爆首次合作有「感覺」：大家出奇地有默契

行動力十足兼對新聞極致有追求的詹柏宇頓時火冒三丈，怒罵佩嘉：「公司請個AI好過喇！你今日辭埋職，唔好嘥大家時間！」面對詹柏宇的毒舌痛擊，佩嘉亦毫不示弱反擊：「你又變態又冇禮貌，我打電話畀你，仲要cut我線」兩人針鋒相對、火藥味十足！

談到今次角色「串嘴」兼「囂張」，阮浩棕接受tvb.com獨家訪問，坦言今次角色與本人性格反差極大，起初看到劇本時曾心存顧慮：「以前都試過演一啲唔討好嘅角色，觀眾嘅反應都幾大，初頭都有啲擔心。後尾同監製溝通，問監製如果你覺得過咗，就話我知喇」，慶幸獲監製全力支持，所以他亦放膽去演。

阮浩棕坦言此角色堅持「對事不對人」：「其實我鬧Jinny好多時都係針對事情上面去話嘅，因為劇本裡面我係全行最勁嘅港聞記者，通常我係以一個工作嘅角度去話Jinny，語氣上面針對件事多啲。」

雖然今次是阮浩棕與吳若希首次合作，兩人卻出奇地有默契兼投契：「大家個vibe好free，我哋係鏡頭後係咁講笑，好開心嘅一次合作！」