非份之罪｜劉佩玥揭真面目震撼全場 痛心爆喊演技獲讚 阮浩棕親爆喊足半個鐘

講到有方早已懷疑雅淇才是殺人真兇，特意在親熱時錯叫舊愛紫遙（余思霆飾）的名字，更說出送上同款耳環激怒對方。雅淇當場失控大摑有方，痛心表示：「我同你經歷咗咁多嘢都唔夠咩，點解你仲要三心兩意呀？」、「我係佢嘅替代品呀？點解你要對我咁殘忍呀？」並揮刀相向。

豈料雅淇揮刀時無意刺中旁邊的公仔，內裏竟然藏著紫遙的人頭！有方驚訝說：「我最愛嘅Angie咁溫柔咁純，點會去殺人，依家畀我一試就試到，兇手原來真係你」雅淇道出真相，自揭原來初時找紫遙幫忙，助其與有方復合，豈料她竟搶走了有方，令雅淇十分憎恨她。

雅淇再說出殺害紫遙的案發經過，手法相當殘忍，令人心寒，「我唔係有心殺佢㗎！但我諗諗下覺得佢係抵死」，並聲淚俱下表示「我為咗你咩都可以做得出，乜都可以犧牲㗎」有方不敢相信眼前自己愛的人竟然變成這樣，不但殺了紫遙，就連自己的好姊妹麗恩（何沛珈飾）也不放過。

但雅淇毫無悔意「你覺得佢真心咩？佢內疚㗎咋，唔係真心想幫我」有方落淚自言真心向她求婚，「我真係想以後同你一齊」、「你同我去自首，我哋講過無論終點係點，我永遠都會陪伴你」。

最終雅淇發現有方原來暗中致電給警方，令她崩潰狂喊，「我人生最錯嘅事就係不惜一切去愛你，你到最後一刻都係呃緊我」隨即揮刀刺向有方。