死有對証｜阮浩棕韓馬利演母子有洋蔥 感激對方暖心鼓勵 親爆現實與母親特別「默契儀式」

劇情講述骸骨死者的身分被確認為詹柏宇（阮浩棕飾）的父親，從而驚揭一段沉痛過往，原來柏宇自小飽受家暴兼爛賭的父親摧殘，與母親馮瑜（韓馬利飾）相依為命。然而，馮瑜卻患上癌症，命在旦夕。

阮浩棕在劇中不僅親暱稱媽媽為「BB」，還對患癌母親無微不至的照顧，陪同睇醫生、叮囑對方要飲食清淡，嚴謹她吃垃圾食品，搞到母親韓馬利都忍不住「吐槽」：「你唔好咁長氣，嗌住呀媽好唔好」而馮瑜同樣十分疼愛柏宇，一直珍藏柏宇從小到大的獎狀，母子情深。

談到今次與韓馬利（Mary姐）演兩母子，阮浩棕接受tvb.com獨家訪問對對方讚不絕口：「因為Mary姐真係一個好厲害嘅前輩，大家合作感覺好好，成個過程好舒服，真係好鍾意Mary姐！」

被封為「TVB御用媽媽」的韓馬利，私底下更給予阮浩棕極大強心針：「Mary姐私下同我講過，做親佢仔女都紅㗎，跟住叫我加油，對我係一個好大嘅鼓勵同埋鼓舞」。

談及在劇中親暱稱呼韓馬利為「BB」，阮浩棕笑言是劇本設定，卻無意中令二人關係更加密切：「劇本嘅要求，特登想誤導下觀眾，但叫下叫下，感覺同Mary姐嘅關係更加親切緊密」。

阮浩棕又指與Mary姐的母子情自然流露：「我扶住佢行嘅時候，會喺度輕輕搓下佢嘅手臂，自然流露出來嘅，因為Mary姐嘅親和力太好了，所以自己都忍唔住，真係好似我媽媽咁」。