奪命提示｜劉穎鏇晒驚人體力一嘢將武指過肩掟落地盡顯團隊專業精神：花咗好多時間排練同溝通

撰文：燒賣

發佈日期：2025-04-10 05:00 更新日期：2025-04-10 08:33

昨晚（9日）一集《奪命提示》，Tiffany大晒苦練多年的超凡身手，力抗真兇一幕，Tiffany徒手將黃建東高舉至膊頭位置的同時，更超敏捷地將對方過肩摔落地下，盡顯「女力士」功架。Tiffany接受TVB.COM時透露，透露相關場口由武指代替黃建東上陣，並謂順利完成動作，全因多年合作拍打戲後累積下來的溝通：「呢個動作真係辛苦個替身，因為佢要做一個前空翻嘅動作，我就負責用我個膊頭頂起佢；都要排好幾次，因為時間、默契、用咩力，同我Hold邊個位畀到最大Support佢完成個動作等，呢啲都真係要時間去排練同溝通。因為如果我畀唔夠力，佢就會跌親，所以拍時都會有壓力同埋盡量專注集中去做。」