奪命提示｜劉展霆演chok爆殺手被洗版式讚賞 自爆為一個動作練習逾千次 背景大公開

劉展霆在近日熱播中劇集《奪命提示》演殺手「戴傑」，雖然他出場場口不是很多，惟當他出場時被不少網民在網上洗版式讚賞，大讚他踢門及槍戰也十分有型，紛紛留言「你出現的第一個鏡頭只關注了你，真的很帥」、「踢門嗰下，真係好有型，可惜咁快下線，期待你的新作品」、」「很靚仔！腦袋中槍的動作也很帥！想不到這麼快下線」。

對於今次獲不少網民讚賞，劉展霆接受TVB.COM 訪問直言預料不到：「我擺咗一條《奪命提示》嘅合輯片喺社交網，短短一日已經有超過成萬Views，從來都未試過，多謝網民嘅支持。」

他指不少人讚其中槍和踢門那一幕做得十分自然，對此劉展霆說：「可能我跳開舞，做啲動作會柔軟啲，同埋嗰場踢門戲，唔好以為好易，我都諗咗好耐點樣可以擺到最靚嘅姿態出嚟，自己練呢個動作都練咗成超過千次。」

劉展霆指此劇是繼《青春本我》後拍攝，直認初時感到緊張：「 因為以往自己都係做綜藝多，拍劇嘅經驗較少，而且，呢套劇又有好多前輩好似陳山聰、張振朗同埋劉佩玥等，所以都想做好啲，唔好拖累人。」

劉展霆在2021年參加《盛·舞者》而入行，隨後在《青春本我》演「甄賢登」一角而為人認知，2022年他在《全城一叮》夥拍黃紫恩，以瘋狂小丑造型表演貼身舞而引關注。

近日他更在《愛·回家之開心速遞》成為接龍新「MT」之一，愈來愈多戲份。另外，他曾學過柔道、跆拳道及中國功夫，而且跳舞亦相當了得。