/public/tvbcom/article/images/202603/88982073-a529-4de0-aead-3fbf1b292683.jpeg)
TVB全新網絡系列《電視城內》請來「影視界長青樹」胡楓（修哥）擔任嘉賓，修哥除了會細訴他的電視故事，還會和大家分享他的二三事。
網上流傳一段AI片，片中修哥和武打巨星李小龍對打，而事實上二人淵源深厚，二人拍戲結緣識於微時。修哥大爆兩人秘聞，他說：「我哋拍戲認識，佢喺美國返嚟會大家一齊吃飯傾偈，佢鍾意睇古裝武俠、動作片，佢原來係想睇睇香港嘅動作片、武俠片拍成點，研究完就諗住返嚟發展，我就成日同佢一齊。」修哥又大爆曾和李小龍一起睇屋，「嗰時佢喺九龍塘買咗間新屋，接我一齊去睇新屋，睇完之後我覺得間屋唔太自然，提議佢去搵風水先生睇，但佢話唔使。」
外界有指修哥是李小龍的演技指導，修哥澄清：「我點可能教佢演戲？仲要澄清一下我唔識得打功夫，我就算識功夫，都係三腳貓功夫，同李小龍冇得比！以前同佢一齊，佢成日叫我打佢，當我郁手佢就即刻避，所以我冇打過他，所以網上嘅種種唔好完全相信！」
至於提到與羅蘭姐的緋聞，修哥也說不知從何而來，又大方表示：「都傳咗幾年，到現在仲傳緊，不過唔緊要，93歲（實則是94歲）仲有新聞真係好難得，儘管傳落去！ 聞說係內地傳出嚟嘅，唔緊要，傳下傳下，多啲新聞仲好，有更多人認識胡楓。」
講到其英文名叫Bowie，修哥笑言是美麗的誤會，「我從來唔知自己叫Bowie，有次去食飯，見到枱面名牌冇自己名字，就問人問點解冇自己名，然後有人同我講Bowie咪係你囉，從此人人叫我Bowie，如是者叫了十幾年，Bowie就Bowie啦，冇所謂，Bowie係一個好好嘅名，唔緊要，我英文名叫Bowie Wu。」
特別鳴謝：雞仔嘜
