:quality(80)/public/tvbcom/article/images/202603/6e1e0375-2603-42da-b98b-6fb51b3d5518.jpeg)
TVB全新網絡節目《電視城內》隆重登場，頭炮請來「影視界長青樹」胡楓（修哥）細訴他的電視故事。剛剛過了94歲生日的修哥，入行前其實是古董店太子爺，但他對做生意一點興趣也沒有，在1953年、21歲時，修哥見報紙刊登招考男演員的廣告，於是膽粗粗報名參加，幸運地被「大成公司」錄取，從此展開他的演藝之路。
修哥第一部戲就要做男主角，連他自己也意想不到，而拍檔女主角更是紅極一時的芳艷芬，「我開心到不得了，好多人恨都恨唔到，竟然肯同我拍，但唔係我叻，係公司嘅安排，一出道就做男主角梗係開心！」第一部電影《男人心》大獲好評，之後的作品票房同樣理想，令修哥在演藝路上的發展信心滿滿。修哥其實是「騰雞仔」一名，惟一落場拍攝便怯意全無，大抵是「天生食呢行飯」吧？修哥笑謂：「起初都驚驚地，但一入到廠就唔驚，我鍾意表演，拍完第一個鏡頭之後就沒有再驚過。」
修哥由1950年拍到1970年，20年來拍了200多部電影，產量驚人，如《難兄難弟》、《青青河邊草》等，皆是口碑、票房兼備。60年代後期，修哥不再靠賣英俊樣而轉型為性格演員，可惜的是，粵語長片的全盛期已經成為過去。粵語長片式微，修哥開始轉戰電視，牽線人就是譚炳文，某天修哥在一間餐廳吃飯，譚炳文突然走過來問他：「你有興趣做電視嘛？裏面有TVB三位高層想同你傾偈。」對方力邀修哥加入《歡樂今宵》的大家庭，修哥說：「當時心諗，未試過都好吖，就咁就加入咗EYT。由拍電影做男主角到入電視台拍綜藝節目，人哋問我點適應？我話好易，乜都試下，做之前先睇吓人哋點做，因為我有表演欲，但凡表演我都鍾意。」
入到電視台後，修哥開始做人家爸爸、爺爺的角色，由男一變成「電視爺爺」，沒有做男主角的日子，修哥坦承曾陷自我懷疑，幸得修嫂呂詠荷一句說話，令他豁然開朗：「『你既然鍾意做，累積咗咁多年經驗就唔好嘥，你鍾意做就做啦！無所謂㗎！』我就咁樣畀佢一言驚醒，做人爸爸、爺爺做乜都無所謂，亦唔會覺得冇得做主角係一件好遺憾嘅事。」
由70年代開始加入電視台，修哥坦言電視台真的給了自己太多太多了，「最重要係多咗好多朋友、同事，拍粵語片來來去去都係同一班人，但電視台不斷同新導演、新演員合作，無論圈內圈外都令我嘅生活圈子擴闊，電視對我嚟講係非常適合嘅事業。」
有網民好奇修哥的身家有多少？修哥大方說：「我身家有幾多？總之夠飲夠食夠住就ok啦，已經係最好嘅身家，咁就唔會窮！我嘅字典冇退休呢兩個字，我希望能夠做得幾耐得幾耐，有工作人就有活力，有健康，保持開心，所以我唔會退休，除非我自己做唔到，做得就唔想退休！」修哥更豪言想破世界紀錄，「我呢個人唔會主動提出做啲咩，但當我70歲開演唱會之後，一直到2023年有人話我已經破了亞洲年紀最長開演唱會嘅紀錄，今年我會繼續開，願望是繼續破世界紀錄。」他認為唱歌可以令人增加肺活量，是長壽的秘訣。
特別鳴謝：雞仔嘜
