/public/tvbcom/article/images/202603/5b9f2302-e108-4b2a-a289-938825d29d4c.jpeg)
TVB全新網絡節目《電視城內》請來「影視界長青樹」胡楓（修哥）細訴他的電視故事。由影圈進入電視台，修哥說薪酬是兩碼子事，但在電視台工作令他感到非常興奮，一邊做綜藝拍 EYT，又可以在不同劇集做爸爸演爺爺，還有拍處境喜劇如《都市方程式》、《季節》、《皆大歡喜》等，忙個不停，但修哥說自己是愈忙愈開心的人，儘管收入和電影無得比，但可以創下電視台最多騷的藝人已視之為自己最大的成就。
修哥坦言拍電影收入一定好得多，但電視給他另一種感覺與成就，「電視畀我特別嘅感覺，係乜都有我份嘅時候，我特別開心。我嘅人生高峰係一出道就拍電影做男主角，低潮當然係粵語片式微，但都只係低啲啲，到入TVB工作就好滿意，人生又重回高峰，一直到現在，2025年雖然工作少咗啲，但仍然很開心，對我嚟講仍然係高峰！其實做人心態好重要，自己活得開心最緊要！我不時都自我鼓勵，其實自己樣樣都好ok，咩都要學懂欣然接受！」
曾經笑言是電視城內最乾淨男人的修哥，不單對修嫂感情專一，零緋聞，更重要是幾十年來做甚麼都令公司滿意，其實這位老前輩的敬業態度更值得令人尊敬。
向來風趣的修哥的笑言，「我個底非常乾淨，從未冧過廠（告病假）」，續為大家揭開鮮為人知的事，他說：「有次入咗醫院，公司出通告要我去電車廠拍一場戲，我竟然偷走出去，嚇到護士周圍搵我，累到佢被上級責怪，點解胡楓走咗都唔知，連太太都唔知我去咗邊，之後回想都覺得好唔好意思，其實只係好少戲份，公司後來都唔知應該話我乖定係曳，我唔應該為呢啲小事而令醫院大陣仗去尋人。」
修哥指從來不會因為身體不適或心情欠佳而冧廠，就算發高燒大感冒照樣開工，「嗰次只有3句對白，我病到講極都唔清楚，NG咗很多次，連攝影師都叫：『修哥，你冧啦！』但我堅持唔冧，原因係我拍攝嘅佈景是最後一場，如果我冧，呢個景拆定唔拆好？所以惟有頂硬上將呢場戲拍完。」修哥大拋敬業金句，「做戲如做人，演咗70多年戲，要有演員嘅擔當，做藝人一定要忠於職守，唔怕辛苦唔怕蝕底，樣樣用心去做，呢個係演員最基本守則，我嘅字典冇退休呢兩個字。」
特別鳴謝：雞仔嘜
