2025香港小姐｜1號李尹嫣7號施宇琪未滿意身材要再減磅 4號莫凡自爆獲陳法蓉一句話提醒

1號李尹嫣、4號莫凡和7號施宇琪一同受訪，談到早前師姐陳法蓉指莫凡行路像機械人，對此她說：「嗰時我太驚錯同驚佢哋罵我，所以行出嚟嘅時候比較緊張，之後法蓉姐姐都有提醒我，咁樣係唔好，因為愈驚錯就會愈錯，令我覺得應該盡力表現多啲自己特質畀人睇，唔好怕畀人罵。（有冇喺屋企着高跟鞋練習？）我都係上堂先着，因為自己嘅身高都係參選港姐先第一次着高跟鞋。」

談到李尹嫣表現淡定，她說：「我個人本身都比較淡定，因為太緊張展現出來嘅效果唔會好，咁不如大方淡定展現自己。（滿唔滿意今日嘅表現？）我覺得身形上可再瘦一點，下半身再瘦啲會好睇啲。」

施宇琪自言為了瘦身花了不少功夫，望今日大家也見到其進步，「我依家都仲係保持節食同做運動。（達到自己的目標磅數？）如果唔係參加選美，我已經好滿意，但始終上鏡會肥過真人，所以希望再瘦多2-3KG。」

提到決賽將近，李尹嫣、莫凡和施宇琪直認有壓力，但明白到最重要做好自己，不要太過焦慮，才能表現更好。