2025香港小姐｜9號陳詠詩超強腹肌畀自己滿分 12號庄靜璟自爆因一原因重咗3磅

9號陳詠詩、12號庄靜璟和14號何詠多一同受訪，問到是否滿意自己表現？9號陳詠詩說：「都幾滿意嘅，呢段時接受咗好多訓練，好似擺Pose、點樣望住鏡笑得自信啲咁，拍外景都有着Bikini影好多相。」提到她得腹肌十分強勁，陳詠詩怕醜妹上身，笑言：「用咗好多年磨練出嚟，從小就做好劇烈運動，就算退役唔玩體操，都有Keep住健身習慣，唔做運動反而覺得唔習慣，依家都做練藝術體操做才藝表演。」問到畀多少分自己的身形？她笑言：「自信最重要，我會話係10分！」至於飲食方面，陳詠詩指自己喜歡吃美食，但現在會盡量吃得清淡，最近減了2 kg左右。提到曝光了有男朋友，問到會否擔心「減粉」？她說：「冇諗咁多，冇乜隱瞞，我哋兩個都冇乜壓力，男友都支持我選港姐。」

講到14號何詠多清減了，她說：「我有繼續減肥，Keep住做運動，我比其他佳麗豐滿，所以要減多啲。」減得辛苦？她說：「依家好忙，排舞、才藝方面都係運動方向嘅嘢，所以冇乜諗咁多，同埋食少啲嘢，咁就差唔多減到。」提到她年幼最少，何詠多認同有優勢：「同其他佳麗傾偈可以學到好多新嘢，同埋做運動、減肥對我嚟講係簡單啲。（咁勇敢選港姐？）細個先會做到，大個就會驚㗎喇！」又透露才藝表演與空手道有關。

至於12號庄靜璟竟自爆肥了2、3磅：「因為訓練有啲攰，返到屋企想食一啲嘢，今日對我嚟講係好好嘅挑戰，因為我平時冇乜着Bikini。」問到學廣東話的進度時，她說：「我覺得做到最好就OK，唔好定到咁高要求，慢慢嚟。」庄靜璟本周網絡升上第一位，她說：「知道呀，希望自己嘅笑話帶到畀大家歡樂。」