《香港婚後事》由陳自瑤(Yoyo)、賴慰玲(Winki)、黎諾懿及羅天宇擔任主持,第6集嘉賓繼續是相愛28載的單立文(豹哥)和胡蓓蔚(豹嫂)。承接上集,豹哥追擊「單身貴族」羅天宇對婚姻有沒有憧憬,天宇坦言:「(展開一段戀情)一定係向住結婚方向,但係慢慢落去好似唔係好順利,或者覺得去唔到嗰度(結婚)嘅,之後會再睇定啲先,但係依家開始年紀大、想有小朋友嘅話,又好似有少少趕。」豹哥即以過來人身份教路:「千祈唔可以急,我差唔多50歲先結婚,慢慢揀,先揀到一個真係好嘅。」豹嫂聞言插嘴說:「咁我哋決定唔生小朋友嘛,如果佢係想生……」搞鬼的豹哥聞言竟扮愕然謂:「吓?你唔生小朋友㗎?」場面搞笑。
今集分享的真實故事花生指數十足,Winki說有一對三十多歲的夫婦,結婚數年感情穩定。兩人婚後在家中不時聽到隔籬屋「翻雲覆雨」的聲音,屋主是一名60多歲的油膩大叔,未幾,即有極震撼的奇遇發生在男事主身上。豹哥聽畢後即婚姻專家上身並分析說:「婚姻耐咗,你會受到啲莫名其妙嘅嘢引誘,之後你會好好奇,好奇就害死貓,好奇心係人類天生本性,婚姻係要有忍耐力,忍耐力就係要戰勝你嘅好奇心,你先維繫到婚姻。」
Yoyo問到豹哥、豹嫂曾否有過想出軌的時刻?豹哥Man爆說:「如果你(結婚時)立咗誓,同佢(另一半)講過我愛你一生一世,如果你做唔到嘅話,你根本就唔係男人,係咪呀?」Yoyo再講到有人專揀「有婦之夫/有夫之婦」埋手,豹嫂聞言說:「有呢啲人㗎咩?」Yoyo正色道:「有,好多!」想知豹哥又有何獨特見解?密切留意今晚播出一集。最後豹哥拿出結他伴奏,豹嫂大獻歌喉唱出《傾城》,為營火會畫上圓滿句號。