藍朋友旅朋友｜王祖藍被爆曾遭外父嫌棄「扮女人」 靠一招終抱得美人歸

今次祖藍與Leanne專誠拜會了這位功德無量的「和事老」Pond。Pond 談到當年之所以介入事件，全因李媽媽一通「求救電話」：「佢好惆悵，佢話阿 Pond，搞唔掂啊，你真係要同我老公傾吓。如果唔係，真係會有事發生。」

Pond續指當時約見Leanne爸爸後，對方表現是「成個人沉晒」：「佢好 Serious，佢話我真係唔知點處理，王祖藍扮女人又咁咁咁，我真係接受唔到。」為此，Pond 還介入了祖藍與李爸爸的首個碰面現場，他形容當時李爸爸完全沒有笑容：「佢一見到祖藍，就『你要娶我個女呀？』」Pond 逐指，加上祖藍每當緊張時流露的「招牌假笑」，更令約見氣氛「雪上加霜」。

不過由於愛女心切，李爸爸還是決定放下成見，並與祖藍約法三章定立「三年之約」，只有通過了才能與Leanne結婚，祖藍憶述「三年之約」內容：「三年裏面唔可以變壞，唔可以有咩壞消息壞新聞，唔可以結婚。」

與Leanne結婚超過11年的祖藍，人前人後都是一等一「愛妻號」，二人只要走在一起，就會經常流露甜蜜又俏皮一面。談到婚姻保鮮大法，祖藍坦言是一直默默感恩與李亞男的緣份有多得來不易：「永遠返返去（諗）當初係幾咁唔容易先至走得埋一齊，今日有嘅一切都係禮物、係恩典。」

今晚（2日）翡翠台10點半播出最後一集《藍朋友·旅朋友溫哥華篇》。王祖藍將在溫哥華尋找「香港的足跡」，其中兩個較特別的Item之一是華裔博物館，館內展出了大量香港歌手／音樂人的珍貴展品，包括由當地人親手一比一復刻的歌手經典演唱會造型，顧嘉煇、黃霑及黎彼得的手稿、以及粉絲捐出展品。

祖藍透露，由於梅艷芳（梅姐）曾於加拿大作出很多慈善貢獻，故多倫多當地定有「梅艷芳日」，紀念這位已故巨星。至於另一位已故巨星張國榮，除在館內可到處看到他的足迹，紛絲們還在哥哥當年最喜歡流連的史丹利公園，建設了一張紀念哥哥的專屬長櫈，上面有字牌刻著粉絲們對哥哥的愛，相當有意義。