藍朋友旅朋友｜鄧佩儀相隔5年激罕亮相 親揭當年神隱真正原因

前華姐冠軍鄧佩儀Gloria，2021年拍畢劇集《換命真相》首當女主角後突然「潛水」一年半，引發大量揣測，當時外界盛傳她因演技及態度問題等遭 TVB 雪藏。直至2023年，Gloria 在社交網「蒲頭」宣布在UBC修畢工商管理學士學位及電影製作課程，並將留加發展。

相隔五年再度亮相TVB，Gloria狀態不減當年，談到當年決定離港，Gloria坦言身邊很多人都很愕然：「點解我突然之間會走呢？我嗰時嘅經理人都有打畀我。我拍完《換命真相》後，監製聲哥隔幾個月後開劇都想搵我，嗰陣我諗咗好多個鐘，我問自己，十年後我想我嘅生活係點，我發現我係想喺加拿大建立一個Family，又或者喺屋企人身邊。」

現於溫哥華任職Marketing的Gloria，坦言現時朝九晚五，放工又可以做運動兼見朋友，生活比之前開心很多：「依家好開心，原來人係可以開心咁多嘅。」

當年因為熱愛鍾嘉欣，年僅19歲便飛往香港參選兼拍劇發展演藝事業的Gloria，當時不但適應不了拍劇日夜巔倒的連踩生活，還適應不了拍劇熱鬧過後的孤獨感，並曾為此一再以淚洗面：「嗰時我自己一個生活，習慣完劇組好熱鬧，每次返到屋企自己一個就會好失落。有時可能凌晨四點返到去，間屋靜英英…長久就會有少少Lost咯」、「嗰時真係自己一個不斷咁喊喺屋企，唔係好健康。」

至於張嘉兒，她笑言決定返港選港姐，全因被免費機票吸引；談到當選冠軍後受到抨擊，嘉兒坦言曾因而一度自我懷疑：「嗰段時間都難過，開始 SelfDoubt，『咦？傳媒講嘢係咪真架呢？我係咪真係咁差呢？』」

除了與好友開心聚舊，祖藍與亞男還到了溫哥華華姐培訓基地拜會溫哥華小姐統籌經理雷鳳娟兼尋寶，意外發現不少亞男當年選華姐時的珍貴回憶，令祖藍和亞男本人都非常開心，亞男還分享了年青時在溫哥華「亂咁跟男人上車」的純情往事，嚇到祖藍驚呼：「咁似拐帶兒童嘅？」