/public/tvbcom/article/images/202601/63a6c444-ead7-4b02-8c61-878730f43f24.jpg)
蔡潔（Jacky）日前在萬千星輝頒獎典禮盛裝出席，她以一身黑色高衩晚裝驚艷全場，今（7日）蔡潔在社交平台晒出多張靚相，並感恩入圍「大灣區最喜愛女主角最後五強」：「衷心祝福獲獎嘅朋友們，亦非常感激所有投票俾我嘅觀眾，我會繼續努力。」
延伸閱讀： 萬千星輝頒獎典禮2025｜索爆造型盤點！王敏奕閃鑽吊帶裙滲仙氣 劉穎鏇開窿晒曲線 戴祖儀黑絲騷長腿
依相可見，蔡潔擺出多個pose，側身角度令白滑美腿及完美肩頸線條一覽無遺，煞食笑顏更加甜入心，post一出瞬間融化網民：「好靚好可愛」！
龔嘉欣（Katy ）當日的造型亦令粉絲眼前一亮，一襲吊帶黑色紗裙性感度爆燈，好姊妹陳凱琳即留言激讚：「Princess 」！
從蔣祖曼（Joman）Po出的當日造型可見，身穿露肩黑粉裙的她，以氣質煙燻妝示人，加上一抹淡淡的迷人微笑，大批網民直呼被電暈，戴祖儀等更化身Fans告白：「愛你to the max!!」，Joman甜蜜回覆：「我愛你to the moon too💋」。
奪得《萬千星輝頒獎典禮2025》「最佳衣著女藝人」獎的陳曉華（Hera），在IG加碼多張靚相大派粉絲福利，相中可見她大方展現香肩及緊緻馬甲線，高衩裙身設計令其逆天長腿勁搶Fo，不少網民紛紛留言大讚佢零贅肉弗爆身形冇得輸！
劉佩玥（Moon）身穿淺色系露肩禮服，半紮微曲髮型，同時散發高貴典雅氣質，網民激讚似足「公主」！郭柏妍（Rosita）同樣以一身露肩兼閃到爆的禮服亮相，大騷白滑香肩及迷人鎖骨，甜美得嚟又不失性感。
莊子璇（Hilary）以一身粉色禮服示人，拖地毛毛裙夢幻十足，其中一張對鏡回眸甜笑的照片，更直擊網民眼球：「公主殿下」、「好靚女」！
當日以一身Deep V白色禮服上陣的李芷晴（Stephanie），索爆造型吸睛度爆燈！今日她在社交網晒出一輯靚相益粉絲，見她可愛嘟嘴賣萌，白到發光的皮膚兼招牌笑容，旋即吸LIke無數！
