/public/tvbcom/article/images/202601/563c93ef-c934-469e-8eae-0b546465ffa3.jpg)
年度盛事《萬千星輝頒獎典禮2025》2026年1月4日晚於澳門上葡京綜合渡假村隆重舉行，當晚星光熠熠，一眾明星藝人們盛裝打扮出席，活動後他們亦在社交平台紛紛晒出多張靚相益粉絲，小編為大家盤點多位女藝人們的靚靚造型，一齊嚟睇！
延伸閱讀： 萬千星輝頒獎典禮2025｜紅地氈現場盛況直擊 陳自瑤開窿晚裝騷最強Body 佘詩曼壓軸出場晒招牌蛇腰
萬千星輝頒獎典禮2025｜陳曉華晒香肩馬甲線搶Fo 高海寧露背裝騷最強玉背
憑《新聞女王2》「劉艷」一角奪得「最佳女配」的王敏奕（Venus），當晚身穿一襲Bling Bling閃爆吊帶裙，仙氣滿瀉，柔順直髮造型盡顯女人味，難怪連喊都被網民激讚：「仙女落淚」、「過分美麗」！
張曦雯（Kelly）近日在IG更新海量靚相大派福利，當日以性感Deep V及大露背造型示人的她，大騷完美曲線，令一班粉絲睇到心心眼：「現場睇好震撼」、「靚爆」！
戴祖儀（Joey）當日以型格西裝外套配黑絲上陣驚艷全場，從她分享的靚相可見，在鏡前及枱上擺出各種pose，一雙筆直大長腿相當搶Fo，網民睇到嘩嘩聲！
劉穎鏇（Tiffany）身穿一襲露肩深色長裙，腰間獨特的鏤空設計令其Fit到漏的Body表露無遺，再加上176CM高挑身形，網民直呼：「靚到上天花板」、「有公主啊」！
同樣以露肩晚裝亮相的陳楨怡（Celina），晚裝別出心裁，上本身以閃鑽設計，腰間延伸至裙尾的部分則是黑色綢緞，優雅與性感並存，凌厲眼神又展露其霸氣一面，惹網民狂派心心眼emoji！
「聲夢小花」姚焯菲（Chantel）以一身黑色長裙上陣，大騷白滑香肩及美腿，令小菲象們大飽眼福：「高貴中帶着甜美」。
而當晚「最佳電視歌曲」得主詹天文（Windy），半紮公主頭造型配上魚尾裙，腰間白色珍珠鏈起點睛之筆，令其完美曲線一覽無遺！網民大讚好靚女之餘，亦留言力撐：「好叻女，好得意」、「繼續加油」！
