盧映彤《Hands Up》畢業！將專注女團發展 「彤彤姐姐」感性告別：唔捨得呢個大家庭

近日，Skylar在社交網上透露自己已於《Hands Up》正式「畢業」。她上載了與幕後工作人員一同食飯的溫馨合照，並感性留言： 「喺呢個Handsup family嘅愛裏面成長，感激一切喺Handsup嘅不期而遇，會帶住所有學到嘅嘢，繼續往新嘅目標出發！好感激大家對我呢個小魔怪嘅包容同埋愛護。」

Skylar在接受tvb.com獨家訪問時透露，自己參與了《Hands Up》兩年時間，畢業後的她將會全面專注於女團的發展。

對於要離開這個陪伴她成長的節目，她非常感恩幕後團隊對她的幫助與教導，並坦言最捨不得這個充滿愛的大家庭。Skylar說：「最唔捨得嘅係呢一個真係一個大家庭，監製文哥就好似爸爸嘅角色，入去之前記得佢同我講話當係一個成長嘅地方，如果覺得我成長咗就會放我出去闖蕩。而導演同Writer佢哋就好似監護人咁，一直監督住我。我係裏面最調皮嘅主持，但係佢哋都好包容我，接納我呢個大細路去領導啲小朋友。」

除了幕後前輩的照顧，Skylar更直言在節目中收穫了難能可貴的友情：「最驚喜嘅係喺裏面收穫好多友誼，相處得好和睦，成日開廠嘅時候就一齊叫外賣同食飯，休息時間又會傾偈，令到啲時間真係過得特別快。」