魔音女團｜盧映彤晒「魔音」碎片 感恩有機會參與奇妙旅程

被視為「最強黑馬」的盧映彤，日前在社交平台上載短片分享參與節目的點滴，片中記錄着她與一班練習生練舞、做gym、食飯、拍攝海報等的畫面，非常有愛！一幕幕回憶湧現，盧映彤話好感恩有機會參與呢趟奇妙旅程：「感謝所有的奇妙相遇 讓我們無所畏懼！時間過得又快又慢快：咁充實嘅三個星期時間，可以每日都同成班好優秀嘅女孩子們，重覆做自己幻想中嘅事，不停跳舞唱歌，甚至去到星期幾都唔知淨係知第二日要做啲咩表演啲咩。慢：雖然三個星期好快就過咗，但係呢啲時日太過深刻，每次聽到魔音女團相關嘅嘢，啲碎片都會係腦海！入面湧現，好似過咗一次又一次咁」，獲鄧凱文、倪樂琳、喬美莎、黃瀅仴等人留言力挺。

2002年出生的盧映彤，是第32期無綫電視藝員訓練班學員，2024年開始加入《Hands Up》成為彤彤姐姐，深受小朋友歡迎。戲劇方面，盧映彤曾演出《愛‧回家之開心速遞》（飾金銀花，四大MT之一）、《俠醫》及《金式森林》等。盧映彤身高168cm，是高妹一名，同時擁八級古箏、中國舞資格，可謂動靜皆宜。