女神配對計劃2｜阮嘉敏感恩𢭃住人工識男仔 何沛珈放低舊愛盼覓Soulmate

阮嘉敏透露事前不知道其餘入選女神是誰，現場見到何沛珈後即感覺輕鬆不少，又大爆家中十分鼓勵她參加節目，她說 ：「佢哋好支持我，話你一定要去呀。」問到有否用Dating App識男仔？阮嘉敏大爆哥哥和阿嫂就是交友App認識，「佢哋結咗婚之後我先知，其實我身邊好多朋友都系咁樣，但係我哥哥就唔贊成，因為佢覺得我哋做呢行會危險，我就冇玩，咁呢個節目就好安全，因為全香港七百萬、甚至國內都一定會睇，全亞洲都會幫你望住。」

延伸閱讀：女神2阮嘉敏起底｜前東張女神升呢「微短劇女王」 自認事業型百足咁多爪

延伸閱讀：女神2何沛珈起底｜E人獅子女！曾任註冊護士屬「照顧型人格」 甩拖半年望與另一半一同進步

何沛珈指之前的拍拖對象都是親友介紹，「咁今次又系一個類似嘅形式，仲有更加多人去幫你，睇下個男仔究竟系咪好，所以我就覺得有機會喺呢度可能會搵到個Soulmate。」講到她單身半年，問到是否心急搵另一半？何沛珈說：「我已經由上一段感情已經走返出嚟，所以都係時候可以去Open嘗試下認識其他人，同埋我上一段感情唔係嗰日話完就完嘅，其實之前都係有一段時間係唔夾，所以慢慢地就想離開。」

阮嘉敏單身時間有一年半，問到她想認識圈內人還是圈外人，她說：「其實我冇所謂，我個人其實好被動，會等男仔signal，然後佢過嚟攞電話，我係唔敢主動嗰啲嚟，同埋公司畀埋人工我哋幫我哋識男仔，所以唔好話公司唔畀我哋拍拖啦！」