女神配對計劃｜關嘉敏自爆一早睇中細John？ 姜卓文親揭父母對女方看法

不過姜卓文在海選時曾表示對李芷晴有興趣，被問到最終對方沒有按燈會否感失落，對此姜卓文說：「冇 ，我好open mind唔係執着一定要Step， 仲有幾個因素我會揀Carman，例如佢第一個撳燈同埋佢本身真性情、 好主動個狀態， 我係好Buy， 所以覺得係佢喇。」

姜卓文直認過往女友較被動：「都想有啲唔同衝擊 ，所以覺得Carman好主動（會唔會畀佢嚇親？）唔會， 對我都係一個吸引嘅點。」

問到其父母姜大衛及李琳琳知否他參加這節目，姜卓文說：「知道， 佢話幾好。」當問到姜大衛是否認識關嘉敏，關嘉敏即在旁甜笑：「我有見過John哥，我已經見過家長。」

談到姜大衛對關嘉敏印象如何，姜卓文說：「冇咩，佢好少講呢啲嘢，但佢知我入Carman嗰組都有話幾好，我暫時都冇劇透太多畀佢聽，佢哋都覺得個節目幾好睇，都期待之後發展。」

至於談到節目已拍攝一段時間， 關嘉敏表示二人在節目入面過程很崎嶇，更笑言已想到結婚：「明明好似好有緣份 ，但又好似冇咩緣份，好多錯摸，我覺得幾得意， 亦睇到我哋對待事情嘅處理方法，若果第時我哋結咗婚 ，我會知點處理。」

她續自爆一早看中姜卓文：「因為我本身由海選時已想揀佢 ，所以就會對佢主動啲，但呢個節目最好係佢會玩一啲遊戲 ，有機會接觸其他參賽者 ，經過了解我都覺得佢哋好好，所以之後發展點就要留意節目。」