中年好聲音4｜「白眉鷹王」莫家淦露真身！ 重拾歌手身分自揭曾陷自我懷疑：唔知可以走到幾遠

莫家淦自嘲入行多年觀眾也許仍對他感陌生：「可能好多人都唔認識我，面目相當模糊。而認得我嘅，有啲會話以前成日睇我報道娛樂新聞，有啲就會話記得我係《愛回家》嘅保安，但唔記得王朝馬漢定係趙虎。其實自己一畢業就入咗娛樂圈做娛樂新聞主播，之後陸續試過唔同崗位，做過旅遊節目，拍過劇集，做過春晚司儀，喺唔同舞台唱過歌，做過直播帶貨，自己仲出過個人單曲。每一份工作自己都會盡心盡力去做，希望大家喜歡。」

雖然有過舞台表演的經歷，但相隔多年再重拾歌手身分，他也曾陷入自我懷疑：「而今次當知道有機會以藝人身份參加《中年好聲音4》時候，心情係興奮，但同時又有啲擔心。因為自大學畢業後我基本上無再參加過任何歌唱比賽，心入面懷疑自己得唔得呢？會唔會好快被淘汰？值唔值得去玩呢？」。

向來正能量的莫家淦表示會盡心盡力好好享受舞台：「我以白眉鷹王身份參加《中4》。當自己上到比賽台上，發覺原來真係好鍾意舞台，好鍾意唱歌。過程雖然緊張，但又好享受。今日終於可以除低面罩以「莫家淦」示人，我唔知喺呢個比賽可以走到幾遠，亦唔知喺娛樂圈可以走到幾遠。總之，盡力，盡心，過好人生每一段旅程。多謝大家支持，再次同大家介紹返返，我係白眉鷹王，即係莫家淦。」不少網民對他之後的表現表示期待：「加油！你一定得」、「幾年前喺佛山聽過你主持+唱歌，TVB藝人果然都係萬能嘅」！