中年好聲音4｜白眉鷹王磁性聲音贏好評 張佳添：認識你多咗！

演唱《假使有日能忘記》的「白眉鷹王」，憑藉磁性聲音及躍進不少的表現獲評審大讚，張佳添：「你揀咗隻適合你嘅聲線、性格嘅歌，雖然睇唔到你個樣，但透過首歌認識你多咗。」谷婭溦：「高低起伏全部做到晒，一個好嘅Performance，你唱番你擅長嘅嘢，信心多咗好多。」周國豐：「我今日聽到音色好靚嘅你，呢首歌好啱，發揮到你嘅中低音。」

席間，評審們提及藝人參賽者要到被淘汰一刻才能除面具示人，肥媽對此大為感觸，並力撐參賽藝人精神可嘉：「好多人話藝人參加梗係想Promote自己，Promote咩？睇嚟睇去都係個獅子頭，佢哋為咗鍾意唱歌而去參加呢個比賽，值得畀啲掌聲！」