中年好聲音4｜「東方不敗」尹景順迷失歌詞意外唱出高分 告別「色水」回歸初心連續3次93分！

景順的絲滑假音與低音吉他相輔相成，且高音紮實穿透力強，令人聽出耳油！一曲結束，景順自揭其實迷失於《半天假》的歌詞中：「唔知自己做緊啲咩」，而恰好正是景順拋開雜念的演唱，反而將其最純粹一面傳遞給觀眾，「人歌合一」引起大家強烈共鳴！

張佳添激讚聽得好爽：「景順平時唱歌好多鬼鬼怪怪嘢整色整水，佢今日係正正經經咁唱一首歌，正經嘅意思唔係話你唱得悶，唱得保守，而係你真係將一首好好聽嘅流行曲嘅旋律帶到去一個好靚嘅境地，你嘅聲音嘅辨識度喺呢首歌入面係完全發揮咗！」嘉賓評審許志安指景順把聲極具畫面感，知音人查小欣亦毫不吝嗇誇讚：「現場冇得頂，等於首歌一樣，我真係放咗半天假」！

形象顧問兼歌手的馬天佑更細心發現景順今日的灰白Look，竟與許志安《相信愛》的專輯封面似到足，連周國豐都忍不住感嘆：「好勁喎」！