中年好聲音4｜蔡宓婕被連詩雅甜化變小貓 許美琪獲小肥神級和音引爆潛能

許美琪今集攜手小肥合唱經典金曲《寵物》，兩人一唱一和十分合拍，小肥更在台上記述互動時搞笑透露：「佢畀咗好多 Energy 我，大家互動到，我哋交換咗名，我係小琪，佢係美肥。」在舞台上，小肥展現神級和音能力，成功激發出許美琪的歌唱潛能，最終兩人順利斬獲 89 分。

嘉賓評審鍾鎮濤讚賞小肥的助攻作用：「美琪真係要多謝小肥，佢啲和音好幫到你成隻歌build up，唱到尾都好穩。」周國豐亦肯定兩人的能量，同時一針見血指出扣分位：「小肥嘅能量，激出咗美琪個能量，原本畀90分，扣咗一分，你有一句歌詞甩得好緊要。」

另一邊廂，有「小老虎」之稱的蔡宓婕，今集攜手甜美前輩連詩雅合唱《只要和你在一起》。面對連詩雅的甜美氣場，蔡宓婕笑言：「同佢一齊，成個人都溫柔咗，一把聲都唔同咗。」

由於《只要和你在一起》的歌詞極度密集，對廣東話不甚流利的蔡宓婕而言絕對是一大考驗。幸好連詩雅在旁「做口型」暗中支持，幫助蔡宓婕順利克服難關，最終同樣成功奪得89分。海兒激讚其聲線轉變：「呢首歌超級難唱，好多轉聲位，啲歌詞好密，聽到一把以前冇聽過嘅聲音，溫柔咗同女人味咗，可以繼續嘗試呢啲歌。」 肥媽亦大讚：「冇啦啦老虎變咗貓，你真係要多謝佢（連詩雅），蔡宓婕講廣東話歪歪哋，但隻歌好多字，但冇一粒係歪喎。」