中年好聲音4｜尹景順挑戰原Key唱《別問我是誰》 豪奪94分再斬獲MVP 米雪驚嘆：好似兩個女仔唱咁

被譽為「大馬男王菲」的尹景順，今集攜手歌手前輩王馨平合唱經典名曲《別問我是誰》，兩人特別以一白一黑的造型登場，視覺上十分合襯。在舞台上，尹景順大晒雌雄難辨的極致靚聲，配合隨性的Ad-lib展現超強實力，加上王馨平的神級助攻，最終兩人成功斬獲全場94分的極高評價，尹景順亦順利再度榮登 MVP 寶座。

原來尹景順今次更是大膽挑戰以「原 Key」演繹《別問我是誰》，他在台上透露：「老師（王馨平）對我好有信心，畀咗原 Key 我問我唱唔唱到，試咗之後，我覺得有啲太高。」談到兩人在台上展現出的十足默契，王馨平更爆料背後的「訓練秘辛」：「為建立默契，佢好用功同我上咗兩日瑜伽堂。」

這場完美演出獲得了評審團一致的高度讚賞，知音人米雪驚嘆直言：「好似兩個女仔唱歌咁。」嘉賓評審鍾鎮濤（阿B） 給予超高評價：「搵唔到咩 Mistake，兩個好有Heart，又低又高，景順咩技巧都唔理，就咁表達隻歌出嚟，係一個好高嘅境界。」海兒亦被兩人的眼神互動深刻打動：「默契度同 Bonding 全晚最好，最感動，係你哋對望嗰下，兩個望住大家笑，原來你哋一齊做 Yoga，好鍾意你哋 Ad-lib，好似天使咁，不費吹灰之力，好飄嘅聲音。」