中年好聲音4｜尤淑情《情人》開口1秒俘虜張佳添 獲讚「宇宙爆發」冧莊5燈 71歲郭哲宏雖敗猶榮

尤淑情今集亦發揮高水準，開口第一句秒俘虜張佳添之餘，更冧掂出名嚴厲的評審周國豐，周Sir激讚被其高音屈服：「後邊嘅演繹我覺得係真真正正將你嘅小宇宙、你嘅能量發揮到出嚟，你嘅高音部分令到我哋屈服咗，恭喜你！」

而另一邊廂，對於郭哲宏層層遞進的情緒，到最後高音的爆發，肥媽搞笑激讚「溝死女」：「佢好溫柔咁將歌詞帶出嚟，但最尾又有夠力嗌上去…而家咁嘅年紀佢行出街一定溝死女。」。

雖然郭哲宏最後奪得4燈，尤淑情冧莊5燈直接晉級，但是卻雖敗猶榮，張佳添更大撐「你令到我覺得人生好有希望」：「佢一企出嚟擘大口，我瞌埋眼都知呢個係哲宏，呢樣嘢其實係好值錢，呢首歌絕對唔易唱…我好佩服你去到呢個年紀仲有咁多中氣，你令到我覺得人生好有希望！」。