/public/tvbcom/article/images/202601/bed89e55-148c-480d-bc53-9e49eec4ede4.jpg)
《中年好聲音4》第七集！在本集前後腳登場、來自新加坡的父女檔—女兒郭美汐（演唱歌曲《不想讓你知道》）及71歲前工程師郭哲宏（演唱歌曲《塵緣》）。
延伸閱讀： 中年好聲音4｜陳逸璇回歸舞台望表現翻盤 與張佳添20年前因一事結緣
郭美汐演唱聲線既溫柔又自然，當她唱到「微微笑」三個字時，更同時贏得三名評審撳燈！谷婭溦大讚：「好鍾意你把聲，天然嘅Charm。」海兒：「佢聲音嘅力係柔嘅力，Really look forward。」周國豐：「字與字之間連接好溫柔、好Smooth。」
周國豐激讚音樂DNA強勁
出名Harsh的周國豐，則曲線大讚「郭氏父女」唱歌好掂：「郭前輩，你屋企仲有幾多人？其實我哋《中年好聲音》係歡迎你全家參與。我覺得係遺傳，我好鍾意郭爸爸嘅感情，冇番咁上下人生閱歷其實係唱唔到。」肥媽則繼續「美食」上腦大拋有趣評語：「滾湯同老火湯真係爭好遠。」原來郭哲宏曾於2005年新加坡《黃金年華》歌唱比賽奪冠；郭美汐則曾於2005年歌唱節目《絕對SuperStar》殺入24強，當年的樣子更相當活潑可愛。
