中年好聲音4｜中4重炮手袁帥冧莊5燈 深情演唱《我如此愛你》致敬EYT元老杜平

談及選歌的初衷，袁帥直言是為了向已故的《歡樂今宵》（EYT）元老級主持杜平前輩致敬，他說：「杜平師傅話不如你參加《中年好聲音4》喇，係佢鼓勵我，咁我都希望可以完成佢嘅遺願」。

雖然袁帥要重複演繹同一句歌詞，但他做到層次分明，情緒循序漸進，獲周國豐激讚「表現最好的一位參賽者」：「以後大家可以避開呢位朋友！」而張佳添更表示十分期待袁帥與《中年好聲音3》「重炮手」劉洋同台合唱：「幾時同劉洋『大炮』合唱一隻《Without You》，我覺得呢兩個『大炮』走埋一齊會好正！」。

而同樣冧莊5燈的選手還有38歲來自蘇格蘭的許美琪，身穿火紅露肩裙亮相的她演唱《黑夜不再來》，透過肢體、表情及聲音技巧，將「演」同「唱」做到極致，展現強烈的戲劇張力，最後一幕華麗轉身，贏得台下掌聲不斷。

對於許美琪的表現，五位評審都有讚冇彈，海兒：「所有嘢嘅完整度係非常之高」，谷婭溦更激讚：「今日呢個五燈，係我心目中最好嘅五燈」！