/public/tvbcom/article/images/202609/ba5a8792-b88d-4137-a487-8235b94adf1e.jpeg)
今晚（7 日）《美食新聞報道》「食過翻尋味」再度與張與辰同行，他自言不太嗜甜，唯獨超愛香港一間糖水店的出品。他說︰「愛嘅程度係一年幫襯超過 30 次，鍾意到喺屋企整佢哋嘅招牌甜品，可惜失敗。」
延伸閱讀：美食新聞報道｜深水埗米芝蓮車仔麵 必食巨型花膠+豬油渣 自家製墨魚角
與辰所講的糖水店位於灣仔，今集他會帶蔡景行（行仔）翻尋味。提到這間店，與辰的話題滔滔不絕，大講難 Gag︰「呢間糖水舖嘅龍眼冰（龍凰冰）好食到想頒個獎畀佢。同埋我以前好有錢㗎，因為食咗十幾年，食到窮咗。」事實上與辰對此店的甜品達致痴迷程度，試過人龍太長，他寧願買外賣在門外立食。
頭一趟來到行仔先試鎮店的龍眼冰，他說︰「好似食咗粒冰凍嘅龍眼，但好軟滑。食完成個口都充斥龍眼味。」與辰拆解箇中秘密，透露每碗冰都用上60 粒龍眼肉製成，並且堅持用泰國貨，他說︰「因為較甜同香，而且較厚身，食完好清爽。試過屋企自製，不過唔成功。」節目中老闆娘現身，親授二人製作竅門，並自爆龍眼冰內配上水晶珠，而非二人所想的西米，分別為前者較爽口。
當雨辰試到傳統的芝麻溝合桃糊時，憶起兒時味道，他說︰「以前媽咪成日會買芝麻糊、合桃糊返屋企食。好多時一家人又會一邊食，一邊睇電視，呢個回憶係非常美好，就係呢種回憶嘅味道。」一場來到他自然要到廚房跟老闆娘偷師，即場炮製出「辰．燉奶」，蛋白滑嫩絕對見得人。
C DESSERT
灣仔莊士敦道35-45號利文樓地下1D號舖
此外，施焯日（Arthur）跟陳若思（Amber）介紹一間位於銅鑼灣的 Fusion 餐廳。Arthur 表示老闆在意大利學藝回港，刻意將港式料理 Crossover 意菜，成就出潮式滷水豆腐鵝肝多士配白米醋及臘腸卡邦尼（Carbonara），Amber 大讚神奇，她笑說︰「平時只會冬天食臘腸，呢度嘅意粉好香臘腸味。」Arthur 表示傳統 Carbonara 用風乾豬面頰加蛋黃、芝士煮成，所以用臘腸有異曲同工效果，並無違和感。
Amber 猛讚多士食極不膩，秘密在於蘸料，她笑說︰「鵝肝好creamy，未試過配白米醋，估唔到可以減咗肥膩感，可以食多幾件都唔怕。」
Papamia
銅鑼灣霎東街15號OLIV 24樓
