豆腐食譜｜冬天最啱煲仔菜！鼎爺教煮「韭菜豆腐炆火腩」 簡單七步曲就可開餐！

天氣轉涼，最適合一家人圍埋食熱辣辣的煲仔菜！重溫TVB節目《阿爺廚房》，鼎爺（李家鼎）則示範教煮香噴噴的「韭菜豆腐炆火腩」，做法原來大有講究，要煮得豆腐入味又不散爛、韭菜保持翠綠不出水，又有何要訣呢？一於跟鼎爺學煮這道經典粵菜，讓家人好好吃一頓溫暖的飯！

閱讀更多：鮑魚食譜｜三姐教煮脆皮鮑魚鵝掌煎米粉 一秘訣整出美味煎米粉

「韭菜豆腐炆火腩」所需材料（分量因人而異）：

• 韭菜
• 硬豆腐
• 火腩
• 蝦醬
• 薑
• 蒜
• 乾蔥

「韭菜豆腐炆火腩」煮食步驟：

1. 首先將豆腐切件，吸乾水份。
2. 在豆腐面頭曬上少許鹽。
3. 再將乾蔥拍扁，韭菜切段，腩肉切件。
4. 先燒熱砂煲，下油，下豆腐煎至四面金黃，再盛起。
5. 砂煲下油，爆香薑、乾蔥、蒜，下火腩，加蓋焗數分鐘。
6. 再下韭菜、蝦醬炒勻，下糖和鹽來調味。
7. 再加入豆腐，蓋上焗數分鐘。

完成，開餐！