HR公開求職者電郵恥笑惹公憤 事後唔知衰再以百字囂張回應 私隱專員公署接投訴！

HR網上公開求職者資料引起熱話。早前有任職HR的網民，公開一封求職者之電郵記錄，裡頭求職者提及因自己準備去旅行，故欲另約面試日期，卻遭涉事HR放上網公審，就算面臨網民怒插，樓主亦駁道「多數你哋都幾有問題」；隨事件愈滾愈大，樓主亦選擇刪除貼文，兼轉成隱私帳戶；網民亦把事件投訴往樓主公司，有關企業與私隱專員公署，亦有就事件作出回覆！

閱讀更多：職場Chur爆上司！凌晨2點群發尋下屬 「still alive?」傾公事 網民：證明佢都知就嚟

著名企業HR放面試者電郵上網公審

早前（21日）某著名資企業HR職員，在社交平台公開一名求職者的電郵截圖，內容顯示對方因預定旅遊行程，希望將原定10月底的面試改期至11月初。涉事HR職員不但未同意，反而在帖文中譏諷：「你不如唔好搵工啦」，並指對方「咁大牌」，批評該求職者遞交的履歷表電話號碼出錯「份CV個電話號碼係錯嘅，已經email你，咁嘅回覆！」

惹海量負評指侵犯私隱 樓主急急刪文

帖文隨即惹來網民負評，有人指「你咁樣cap人哋段email上嚟，佢見到既話等投訴你」、「公司原來咁處理D敏感資料架」、「人地咁有交帶仲想點」、「同你改期都要畀你公審？」樓主則於社交平台回應，指事件「與請假無關，而是求職者有冇心」，兼質疑對方資料填錯、又認為「去旅行時間好flexible吧！」樓主續指，首輪面試為網上形式，即使在旅行途中亦能參與「去旅行買個支架唔難掛？買件恤衫唔難掛？又要旅假又要搵工！」

但不少網民仍批評樓主，斥其公開求職者電郵並加以譏諷，屬侵犯私隱行為，質疑其把公司資料管理不當。隨着事件持續發酵，樓主最終刪除帖文、封鎖留言，並最後將其帳戶轉為私人。

網民投訢到公司 涉事HR百字串爆

事件持續發酵，不少網民湧入涉事外企官方社交平台留言投訴，批評其職員涉嫌公開求職者個人資料。涉事HR職員被發現於其社交平台個人簡介再度留言，以逾百字發文反擊，語氣挑釁寫道：「唔用真身嘅都係sXXt，靜下啦！撳入嚟睇我你就輸咗喇，傻仔......冇文化冇logic嘅呢，我睇唔過眼就會block，go to hell la。」

私隱署及涉事外企有回應！

私隱專員公署發言人昨日（22日）回覆傳媒表示，已就外企員工公開求職者電郵一事接獲投訴，並會根據既定程序展開調查。涉事公司隨後亦回應強調，十分重視個人資料私隱問題，現正就事件進行全面審視及內部調查，確保有關行為符合《個人資料（私隱）條例》的相關規定。