職場Chur爆上司！凌晨2點群發尋下屬 「still alive?」傾公事 網民：證明佢都知就嚟

貼文引起熱議，不少人形容該上司「好癲」，又謂「要用到still alive。證明佢都知就嚟做死你」，但亦有人認為只是手民之誤「我懷疑佢想寫既係still awake」。

事件引出不少網民分享變態上司事件簿，「我老豆出殯嗰日我請咗假，老細堅持要打嚟話快開個會，我同事已經話 "佢老豆今日出殯喎"，當時奴性極重嘅我聽咗，佢講咩我唔記得，我只記得成個call全程我左手都揸住支香。」有人祝福事主「希望你已經轉左工」，事主指「就係呢件事無耐之後就辭咗了」。