00後整頓職場？老闆因一原因容許「廢水」報銷 網民憂做壞規矩

唔少老闆為了增加員工歸屬感，平時都「諗盡計仔」，除了有得work from home外，還增設了不少員工福利！最近有老闆激罕發文，大談自己對下屬的「德政」；他指早前撞正一名00後員工，提議將手搖飲品列作claim公數，當成工作獎勵；該老闆答應後，見到員工更是「開心咁跳住走」，遂把該做法恆常化，但卻惹來網民擔心會有人濫用制度！

閱讀更多：16.8人仔網購木屐 到手驚變穴位按摩拖鞋 網友笑：一定唔會撞鞋!

老闆大發慈悲容許手搖飲品報銷

早前有老闆社交平台發文，兼以「算唔算係00後整頓職場？」為題，他指其00後助手報銷開支時，竟主動請求將$35的桂花烏龍珍珠茶納入報銷範圍，理由是「自己值得獎勵」；該老闆大發慈悲同意，助手得知後更極為雀躍「開心咁跳住走」。

老闆遂設「返工精神損害廢水贊助計劃」，鼓勵員工日後購買咖啡或其他飲品，也可報銷，更稱一杯飲品若能提升員工動力「都值得畀佢地！」

網民質疑制度可惹濫用

帖文曝光後，不少網民激讚樓主「絕對好老細」，更戲言他「額頭上有聖光」；亦有人認為老闆做法聰明，以小額福利提升員工歸屬感，換來仝人更高工作動力，變相自己有賺；但亦有網民指，需防員工過度濫用，則長遠有機會令公司支出大增，甚至福利日後取消時會引反感：「因住成班瘋狂買奶茶」、「飲窮你荷包」、「當你取消成班會示威」、「我公司有失戀假添」、「我個個禮拜都分次手換假！」