:quality(80)/public/tvbcom/article/images/202510/199f2cd1-f5da-4e97-b86f-28320c1129aa.png)
網購中伏事件，沒完沒了！近日有港女在社交網發文，指將去日本參加煙火大會，欲網購一雙木屐配帶，惟收貨時卻貨不對版，大嘆：「買咗對木屐，滿心歡喜諗住着去日本睇花火大會，到貨打開佢畀對咁嘅嘢我wtX？？！！」
從樓主上載的圖片所見，港女以16.8元人民幣（約18元）購入聲稱是日系人字拖的木屐，惟收貨後卻是穴位按摩拖鞋，鞋子除有粒粒凸起的玉石，還印上了不同穴位位置，當中以「生殖腺」字眼最為顯眼，令人哭笑不得。
網友笑言：「太癲，點解變咗養生拖鞋？」、「生殖腺幾隻字仲要咁搶眼」、「貨不對辦教科書級別」，亦有網友安慰樓主，「帶對木屐影相好喇，一路都係着波鞋好啲，着木屐真係痛到X街」、「一定唔會撞鞋！」
