:quality(80)/public/tvbcom/article/images/202508/b0dee1d1-6c03-4a9b-96fa-46f609739aa9.jpg)
Fresh grad應該給多少家用？近日有網友在社交網呻爆，指「第一份工人工都唔會高得去邊... 我阿媽要求我哋上交HKD$8000家用」，樓主透露暫時未搵到工，「我嗰行入行平均13000-15000一個月，畀咗8000家用之後，我仲要還政府貸款，阿媽要求我哋3兄妹都要比8000蚊。」
樓主指與兩位哥哥都認為家用畀太多，「之後阿媽反駁話佢當年都係比一半人工比阿婆... 究竟係我哋嘅問題定阿媽嘅問題」，樓主解釋媽媽如何計算出每人8000元家用，「8000蚊淨係包水電煤、保險、屋租同夜晚嗰餐，有時佢心血來潮，仲要我哋請佢飲茶打邊爐。」而最令樓主崩潰的是，發現兩位哥哥月入都是2萬以上，曾因此理由要求畀少啲家用，惟慘遭媽媽拒絕，「佢話唔可以偏心我，所以都係每人畀8,000（元），已爭論過，但爭論無效」。
不少網友戥樓主可憐，認為8000元家用確實有點高，「你阿媽一個月都收$24,000（好過返工），不如同阿媽講我煮飯你搵工吧啦」、「同佢講買餸唔使啦，我日日落街買兩餸飯得啦」、「希望你可以盡快搵多啲錢，搬出嚟住啦」。
