屠房請「搬豬員」日薪800蚊 工時平均僅2粒鐘！網友因一關鍵原因寧願做地盤

貼文引起網友關注，數口精的網友計到盡，直言上班時間完美：「朝早6:30做2個鐘收8舊，之後沖個涼又可以返工」、「住附近，份正職又喺附近，8點前去運動場沖個涼，再食埋個早餐先返正職都仲得。」

惟有網友認為呢800蚊唔易賺，指一隻豬重量至少逾百公斤，需人工用掛鉤固定，之後再進行宰割與清理，血腥及異味非普通人能忍受，留言：「屠房即係內臟個啲仲係度，吊起成百斤上勾再劏開佢噴到一身又血又屎」、「我朝頭早返工有時見到送豬貨車，應該岩岩屠房直出去街市，重同恐怖都唔緊要，果陣味真係臭到，有次行過都頂唔順，見到架車要兜遠路。」更有網友說：「又臭又重先$800，不如做地盤」。