6人家庭可獲派2間公屋？網傳房署包打通單位 官方警告：擅拆牆可隨時收樓

近日有網民在Facebook 群組「公屋討論區」發文，指其6人家庭正等候編配新公屋，聽聞現時此類大家庭有機會一次過獲派兩個單位，網上更有傳言指房屋署會主動協助住戶將兩個單位「打通」相連：「如果派新公屋6人（2大4小） 聽聞話會派2間，見有人話房署會幫忙打通，係真既？」

閱讀更多：港人獲派粉嶺新公屋 嫌交通不便陷兩難 網民勸勿衝動：先做呢件事再決定！

帖文一出隨即引起熱議，大批網民留言解答樓主疑問：「同你講打通個條友可以絕交，講嘢唔經大腦，一係就玩你」、「以前舊式公屋佢係會同你打通兩間，而家新式公屋佢係唔會同你打通」、「點會打通呀？咪聽人亂講啦！如果每個家庭都話打通棟樓好快冧」、「唔會打通兩間，結構性問題，我朋友3大3小，派安達邨兩間」、「我朋友7人都無兩間，仲要簽份額外加人都無得申請調配」、「唔會打通。同埋亦都唔可以拆牆打通兩間屋。咁樣做會即刻收樓」。

根據房屋署政策，由於新建公屋項目已不再推出大型單位，適合6人或以上家庭居住的單位主要依賴舊屋邨的翻新單位供應。倘若這類大家庭到達編配階段時，剛巧各區均沒有合適面積的大單位，房署為善用資源及方便住戶照顧家人，有可能安排編配兩個毗鄰（相連）的單位予該家庭，過往亦有相關的編配紀錄。因此，獲派兩間公屋確有機會發生，但並非必然的既定安排。

然而，對於「房署會幫忙打通單位」的傳言，則絕對是錯誤謠言。房屋署對公屋單位的結構有極嚴格的規管，裝修指引明確嚴禁任何租戶拆除或改動主力牆及分隔牆。即使住戶獲派兩個相連單位，亦只能將其視作兩個獨立居所（例如父母與子女分開居住），日常出入仍需使用各自的大門。若住戶擅自將牆壁打通，即屬嚴重違規行為，不僅會被勒令自費還原結構，最嚴重更可能會面臨終止租約及收回單位的處分，住戶切勿以身試法。