港人獲派粉嶺新公屋 嫌交通不便陷兩難 網民勸勿衝動：先做呢件事再決定！

獲派全新落成的公屋本應是一件開心事，但近日有網民發文，事主表示日前獲派粉嶺「鳳凰嶺邨」鳳晴樓，直言新樓雖然極具吸引力，卻因交通配套不便而陷入兩難：「前兩日獲派鳳凰嶺邨鳳晴樓，新樓是好吸引，但我仍猶豫要不要？因為感覺交通方面，要至少額外花多30分鐘出返地鐵站。大人要屯門返工，小朋友要出上水返學。」事主遂發文向一眾網民請教，急尋大家的意見。

閱讀更多：港人苦等10年公屋畢業 棄白田邨二派「呢條邨」 網民佩服：兩次都係靚盤！

帖文隨即惹來網絡迴響，不少網民認為上述屋邨既是新樓，交通配套亦算是方便，認為事主考量屬「幸福的煩惱」：「5分鐘去聯和墟、街市，有261到屯門、673金鐘、277觀塘，仲有專線小巴10分鐘去地鐵站，請問如何不方便」、「其實佢比皇后山方便，鳳凰嶺邨隔離私樓，又有天橋到商場同街市，將來粉嶺發展很好的」、「要啦！新樓啊」、「有小巴同巴士好快」、「要，大不了轉工，派舊樓好殘舊又怕有滲水問題」、「新樓都唔要，最好唔要放出嚟俾想要嘅人」、「梗係唔要啦，地鐵站又唔喺正你門口」、「鳳凰嶺村搭小巴去上水站，轉小巴去屯門，花不到1小時」、「沒有背山面海，地鐵不在樓下，樓下沒有巴士總站，近商場，近返工返學。一律不要」。

亦有網民建議事主先實地考察再作決定：「上水返學派鳯凰，有啲屯門返學派鳯凰，住上水派屯門，你已經派得好好，自己實地考察下先」、「睇完再決定拒唔拒絕都未遲，始終住果個係你自己」、「你實地觀察，睇吓屋邨位置同交通o唔okay先，才決定要唔要啦」。