25歲港女苦呻融入唔到大人世界 懷念中學生活嘆「世界行得咁快」 網民勸唔好比較：每個人步伐唔一樣

早前有港女大呻「成長煩惱」，樓主自稱將踏入26歲，直指自己心態「好似仲停留咗喺十幾歲咁，融入唔到大人世界」；樓主眼見身邊同齡朋友紛紛「上晒軌道」、「有人拍咗十年拖結婚」、「有人去歐洲睇極光，有人開公司，有人考埋潛水滑雪牌」，反觀自己卻與他們格格不入，就算朋友間聚會「開口埋口都係講生意點、返工點、邊度投資」，但自己依然「完全唔想知，亦都冇興趣知」。

閱讀更多：柯士甸港鐵站男子食住煙撳錢 網民鬧爆自私：食少陣會死？

眼見自己與同齡朋友的生活步伐越走越遠，樓主不禁懷念自己的少年時代，坦言「其實我仲係同15歲嗰陣一樣，鍾意簡簡單單嘻嘻哈哈一齊笑吓」；樓主更指自己童心仍未滅，經過公園時「仲係好想去玩下韆鞦、瀡滑梯、馬騮架」，惟現實卻提醒自己「已經大個咗，已經唔玩得」。樓主更在尾段，惆悵地拋出一連串疑問：「明明我仲係我，點解全世界都行得咁快？」、「好似得我一個俾人㩒咗暫停掣咁，仲係好想留喺以前個世界」、「究竟係我太幼稚，定係呢個世界太煩？」

帖文隨即引起大批網民熱議，不少人留言安慰樓主：「其實人地又冇錯，你又冇錯」、「其實冇乜嘢，人生有好多選擇，開心就夠」、「可能個個只係一班小朋友扮大人」、「每個人步伐都唔一樣，唔使比較」、「搵同步嘅人玩，無就自己學習獨處」、「如果永遠用人哋嘅標準，你唔會知道乜嘢先係滿足」、「滿足到自己就得，道不同不相為謀」！