柯士甸港鐵站男子食住煙撳錢 網民鬧爆自私：食少陣會死？

日前（21日）有網民分享奇景，樓主指自己途經港鐵柯士甸站，發現站內滙豐銀行櫃員機位置，竟有名男子一邊撳機，一邊公然違規吸煙；樓主形容涉事男子行為閃縮「瘋狂周圍望，驚死人捉佢食煙」，更離譜的是男子竟將旁邊垃圾桶，當作煙灰缸使用，樓主表示事後已即時通知港鐵職員處理。

閱讀更多：港媽公屋首派天水圍 仔仔就讀沙田名校 憂轉校轉唔番Band1 網民勸唔好搬：會後悔一世！

有關帖文在網絡惹來極大迴響：「食少陣會死？」、「港鐵內可以吸煙？這根本不可能吧」、「好自私呢啲人」、「下次可即場大聲嗌：嘩！有人食煙啊,，報警」、「嘩嘩嘩公然挑戰香港法律」、「我以為部機岀煙就爆，原來有人食煙」、「它是不是覺得自己很帥啊」、「叫滙豐告佢」、「應該用廣東話大大聲講：唔可以食煙。然後打電話叫職員」、「唔食係會死咁。最憎聞到啲煙味」、「真係好想攞住支迷你滅火筒出街」！