港媽公屋首派天水圍 仔仔就讀沙田名校 憂轉校轉唔番Band1 網民勸唔好搬：會後悔一世！

有港媽在Facebook群組「香港公營房屋討論區」發帖求助，透露一家六口申請公屋多時，首派終於獲配天水圍天悅邨大單位，本應值得高興，但她卻大呻「心大心細」；事關港媽的子女目前正於沙田區就讀中三，，若遷入單位「去學校要提前個幾鐘」，長途跋涉的車程，恐會影響子女日常作息及學業進度，只好發文詢問網民意見。

閱讀更多：大埔富蝶邨單位煙味擾民 鄰居疑受夠怒貼告示爆粗狂轟 網民：但佢唔閂門無犯法

帖文一出惹來大批網民熱議：「其實轉校咪得」、「咁睇你荷包嘅啫，如果急上樓就轉學」然而，港媽其後大爆內情，原來當初申請新界區公屋只是想「搏下粉嶺」，更聽聞擴展市區好多時「三次都派東涌」，才出此下策；最令她卻步的是，其子女現時正就讀沙田區的Band 1名校，她坦言「轉校轉翻Band1又唔容易，太難啦」，令這個上樓抉擇更加左右為難。

不少網民亦極力勸阻樓主接受單位，坦言「天水圍梗係唔要！以後除咗返工番學就係坐車，時間就係生命」；網民更指樓主中子女已入讀理想名校，絕不應因上樓而犧牲學業，更有過來人更分享親身經歷，指自己當時二派天悅邨，亦因小朋友在大埔返學而拒絕，並提醒跨區上學遠比想像中辛苦，單是每日搭巴士269D或屯馬線來回，隨時要耗上「差不多3粒鐘，衰過過海」，直言「萬一轉左唔好嘅，你會後悔一世」。

另一批網民則認為樓主根本是「揀錯區排隊」，因為沙田屬於擴展市區的公屋編配範圍，建議她若為子女著想，應及早轉排擴展市區，並警告若拒絕今次首派「之後好大機會屯門」；亦有網民大讚天悅邨其實是「筍盤」，羨慕指「間屋仲大過人地居屋800呎」，實在不應輕易放棄；至於跨區返學的交通問題，有網民就指出天悅邨有269D巴士線可一程直達沙田，而且中三學生理應有能力應付較長的通勤時間，「大把人要一個幾鐘返學架啦，更何況中三咁大」！