大埔富蝶邨單位煙味擾民 鄰居疑受夠怒貼告示爆粗狂轟 網民：但佢唔閂門無犯法

近日有網民上傳照片，分享大埔富蝶邨疑有街坊因難忍鄰居吸煙，導致煙味飄出走廊，疑在鄰居門外貼出「火爆」告示，內容相當惹火：「你食煙食X到成層樓走廊都係煙味呀！你閂埋門食，自己生肺癌就算啦，請唔好影響到人，XX你呀，死XX」，字裡行間簡直充滿怒火，成為了網絡熱話。

閱讀更多：港媽公屋幸運首派港島大單位 4人家庭獲派翻新453呎惹羨慕 大到似6-8人單位 親解「加大」原因

照片惹來網民熱烈討論：「建議你買空氣淨化機同長期關門」、「佢係自己屋企食 冇閂門都係合法」、「人哋都冇犯法」、「你貼人大字就有可能犯例」、「想住得清淨就住私樓啦」、「我嗰到都係，開住個門吸煙，攪到成條走廊同大堂都一陣煙味」、「如果我係屋主我會報警，我係自己屋企食煙關你哋咩事」、「係自己屋企食煙，唔係住公屋，住私人樓豪宅都一樣有」、「同房署講申請搬走」、「食煙係一個問題，但佢係貼自己門口定人哋門口先。如果貼人哋門口。衍生另一個更嚴重嘅問題」！