「送飯氹層樓」新進展！伯伯揭屋契不翼而飛 爆陳太有後備鎖匙 陸偉雄帶隊陪報警立案：成功嘅第一步

對於外間有人懷疑姨甥孫對伯伯的房屋存有企圖，姨甥孫感到十分委屈，在鏡頭前哭訴自責：「因為我真係盡心盡力照顧佢哋，但係到最後我發覺佢哋畀人呃晒啲嘢嘅時候，我有時候諗，係咪真係我對佢哋嘅留意得唔夠呢？」

另一方面，外間亦有人質疑伯伯與陳太之間的關係，伯伯激動駁斥：「梗係唔係啦，都傻嘅。我咁大年紀，佢咁後生，佢有老公喺度，佢老公死㗎？真係廢話嚟，有咩可能？我最憎恨好賭同好色之徒。」伯伯隨後爆出，陳太手上持有其家中的鎖匙，自己亦完全不明白為何屋契會落入陳太手中。姨甥孫對此推測，有人可能是趁伯伯住院期間入屋拿走屋契。此外，伯伯強調當日自己只簽了一次名字，當主持詢問他有沒有見過簽了兩個名字的契約時，他明確表示從未見過。

針對今次事件，大律師陸偉雄分析指出，要促成送契過程，首先必須有契約在手並委託律師樓辦理，沒有理由樓契會無故落入別人手中再交給律師樓，直言事件非常奇怪。陸大狀進一步強調，若有人秘密拿走伯伯的樓契，已觸犯盜竊罪。「送契」法律上代表已即時將層樓送給陳太，而非等伯伯百年歸老。若有人在過程中欺騙伯伯，讓他誤以為百年歸老才送出物業，事實上現時物業已轉名，已涉嫌欺詐，若能證明有人欺騙伯伯並涉嫌冒簽，涉及的罪行更加嚴重。

最終，伯伯在陸偉雄大律師及《東張西望》團隊的陪同下，前往中區警署報案。經過 4 小時的報案程序後，陸偉雄大律師表示：「情況好理想，警方會立案調查，依家係成功嘅第一步。」拿到報案資料後，伯伯亦重新露出了笑容，高舉雙手開心表示：「雨過天青！」