黃大仙爆水管驚現超強水柱！目測10層樓高變大型洗車現場 網民戥車主慘：鹹水嚟㗎

黃大仙沙田坳道昨晚（14日）發生嚴重爆水管事故，地底一條直徑 800 毫米的鹹水管爆裂，噴出的水柱目測高達 10 層樓高，場面驚人。 有網民從高處拍攝到現場情況，只見巨大的水柱如泉湧般噴向高空，附近路面頓時變成澤國，有小巴駛經時被水柱波及，猶如經歷「洗車」般被強烈水柱沖刷，畫面極度誇張，連目睹情況的乘客亦言「勁慘，個個都被迫經過洗車」、「黃大仙大型洗小巴！」

閱讀更多：港人好奇街市魚檔點解放豆卜？原來唔係畀魚食！專家解釋有呢個重要作用

水務署在社交平台表示，事故一度影響附近多個屋苑包括竹園南邨、竹園北邨及翠竹花園等的沖廁水供應。 經緊急搶修及關閉水掣後，現場湧水情況已受控，沖廁水供應亦於同日晚上 10 時許陸續恢復正常。 受事故影響，現場部分行車線需暫時封閉以進行緊急維修工程，署方對受影響市民表示抱歉。

不少網民也直言爆水管場面誇張：「入小巴站好似我地換好衫出泳池咁」、「噴到好高下 」、「可以做噴泉，搞埋啲燈光效果」、「唔洗過大海睇水舞間了」、「呢個地段好似好常爆」、「一兩年前同一個位先爆完嚟，話咁快又爆」、「係鹹水定淡水啊」、「幾好，趁機洗車」、「香港又多一個旅遊景點，遊客順便打下卡！」、「鹹水嚟，慘！」